千晶士多＠元朗 - 無需到大帽山都飲到康寧鮮奶, 奶茶

早前聽熱愛行山的老闆提起大帽山有個康寧牧場，雖然已經無養自家牛，但仍堅持每日新鮮製作本地牛奶。今時今日還有香港製造的鮮奶，真心想試，但要專程去大帽山實在是一大阻礙。

想不到十一假期和老公到元朗覓食，發現千晶士多有售賣康寧牛奶！即時開心到彈起，極速衝上前朝拜一番。街坊士多到處掛有農場鮮奶專賣點的標誌，成功吸引我的目光。 

遠遠就看到新界康寧牧場鮮奶$10，新界康寧奶茶$10的標示，原來除了鮮奶，還有奶茶，實在有趣。

望見雪櫃裏面排排企的牛奶樽，好有童年回憶，話說中學畢業後都好少買樽裝牛奶。個人覺得樽樽奶茶的顏色好似朱古力奶，旁邊見有紙條預留奶茶給熟客，看來很受街坊歡迎。

[新界康寧奶茶 $10]
今次決定試康寧奶茶，牛奶樽裝的奶茶夠特別，玻璃樽上印上紅色的康寧牧場字樣和Logo，樽口以金蓋鍚紙封口。雖然只買一枝，士多老闆娘仍笑笑口說多謝。

奶茶入口香滑，茶味足但完全沒有苦澀味，奶味香濃，味道不太甜，有茶味又有牛奶味，味道比例配搭出色。不知不覺就飲完一枝，好想添飲，因尚要留肚吃其他小食，只好忍口。退樽可領回$1按金，即每枝奶茶、牛奶售$9。

超開心終於試到康寧奶茶，好好飲！以後知道到元朗就可以飲到本地鮮奶、奶茶，日後有機會路過大帽山，會親自拜訪康寧牧場，看看香港僅有的牛奶公司。